السبت، 4 أبريل 2009



التليفون بيرن وهي نايمه


تقوم تدور عليه جمبها.....لا
تحت المخده .....لا
في اخر السرير تمسكه وهي مفتحه عين وقافله التانيه
ترد وصوتها بيصارع عشان يطلع عباره عن حروف
هى:السلام عليكم
هو:وعليكم السلام
هى وقلبها بيدق:ازيك؟
هو : الحمد لله انتي عامله ايه؟
هى مش مصدقه بعد طول غياب:انا الحمد لله كويسه
هو:بابا هنا ولا سافر؟
هي (بتحاول تفهم) : بابايا؟
هو: ايوه
هي :اه بابا هنا لسه مسافرش
هو:طب انا عايز اكلم باباعشان حنجلكم انهارده شويه
هي بتحاول تفوق نفسها وتقول ان ده حلم
بس لسه سامعه صوته في ودنها
بعد كده سمعت >>>>>>>
اللـــــــــــــــــــه اكبر اللــــــــــــــــه اكبر
اشهـــــــــــــد ان لااا اللـــــــــــه الا اللــــــــــه
اشهـــــــــــــد ان محمد رسول اللــــــــــــــه............
الصلاة خير من النـــــــــــــــــــــــــــــوم
صحت بتردد الأذان
مبتسمعه سمعت صوته مسمعتهوش من زمان
بتدور علي الموبايل
جمبها......لا
تحت المخده .....لا
في اخر السرير
مسكته وهي بتتمني ان المكالمه تكون حقيقه
يارب الاقي الرقم في الرسيفد
بس ده كان حلم وراح:(