هو عيد جه لا لسه يا دود مجاش ولا سعيد؟؟؟D:

الدود اختي كانت وهي صغيره تحضر لبس العيد وتحطه علي الكنبه تحط التي شيرت مثلا علي ظهر الكنبه وبعدين البنطلون وبعدين الشراب فوق البنطلون والجزمه تحتهم في نفس مستوي البنطلون علي الارض
ده يوم الموقفه
وتصحي كل شويه وتسالنا: العيد جه؟؟D:
نقولها:لسه يا دودو مجاش .فتقول:طيب سعيد؟؟
فنقولها برضه ان سعيد لسه مجاش وانهم بيجوو مع بعضD:
دايما واحنا صغيرين كنا بنحس بالعيد اوي وكانت اقل حاجه بتفرحنا وكل ما بنكبر كل ما سعادتنا بالحجات بتقل .
فانا بناشد كل مواطن انه يدور علي الحجات اللي كان بيعملها وهو صغير وبتبسطه ولو مناسبه يعملها دلوقتي ;)
كــــــــــــــــــــــــــــــل سنه وانتووووو فرحانـــــــــــــين
ومش لازم تدوسوووو في اللحمه كتيــــــر:p