طالبه سنه رابعه

امتحنت اول ماده يوم 8-1-2009
الامتحان كان حلو بس طووووووووويل
دخلت اللجنه ومسكت ورقه الاسئلة
بسم الله الرحمن الرحيم
رب اشرح لي صدري ويسر لي امري واحل العقده من لساني يفقه قولي "
"ما سهل الا ما جعلته سهل وانت تجعل الصعب ان شئت سهل
بدأت احل والمسئلة ماشيه حلو الحمد لله
وانالما احس اني بحل حلو يبتدي خطي يكبر ويكبر ويكبر لحد ما يعفصنا كلنا
وبعد ما خطي اخد راحته وبدات اكمل وبكل ثقه خلصت اول سؤال وبقلب الورقة عشان احل السؤال التاني
تاتاتااااا
فاضل ورقه واااااحده في كراسه الاجابة
ونظرا اني طالبه في السنه الرابعة فقلت لازم لازم اطالب بحقي في الزيادة من الورق
وقد كان نديت علي المراقب وتوسمت فيه المساعدة
(لو سمحت انا لسه فاضلي سؤالين وكل واحد في 1-2-3وفاضلي ورقه وش وظهر ومش حيكفووو (ده انا
(زنقي ومتسيبيش سطر واكتبي علي الغلاف من بره (ده هو
لاااا مينففعش (اناااا)ا
محدش حيجبلك ورق اعملي زي ما بقولك (هو
ونظرا لان ضاع بعض من الوقت في المباحثات بيني وما بينه
نفذت ما امرني بيه عمو المراقب غصب واقتدار
وبعد شويه رحت لقيت واحد قاعد يزعق مع المراقب ويقوله :ازااااااااي؟
انا طالب سنه رابعه ويبقي معايا 4 ورقات بس احل فيهم وقالهم: لا ممكن ابدا عايز ورق زياااده
وصوتو بدأ يعلى ويعلى ويعلي لغيت برضو ما كان حيعفصنا كلنا
ووشه بدأ يحمر
فقالوله اهدى يا بني حنجيب رئيس اللجنه
وفعلا جه رئيس اللجنه وقله انت عندك حق مفيش امتحانات نص السنه تبقي 4 ورقات بس دي ورق اجابه بتاع الميد تيرم
وطلع ان الواحد لما يبقي عايز ورق زيااااده يعمل ايـــــــــــــــه؟
ايوااان شاطرين
يزعــــــــــــــــــــــق